Lagt var að stað kl 10 í morgun og haldið áleiðis austur Reykjanes og áfram Suðurstrandarveg og stopað í hádegismat á Stokkseyri.  Austur við Þjórsá var svo hitt Halla Valbergs og hann leiddi hópinn upp austan meginn við Þjórsá og er það mjög falleg leið sem að var mjög skemtilegt að keyra og er þetta ekki hefbundin leið sem að er ekinn.  Svo endaði hópurinn inn í Hólaskóg og þar láu 280 km að baki.

Dagur 2

Vaknað í Hólaskógi og lagt af stað kl 10. Ekið sem leið lá inn í Landmannalaugar, þar sem hópurinn fékk sér hádegismat. Þaðan var haldið af stað fjallabaksleið nyðri. Á þeirri leið var mikill rigning og leysingar og ár þar af leiðandi margfaldar í vexti. En sú leið gekk áfallalaust fyrir sig. Síðan var ekið niður Skaftártungur og þaðan á Kirkjubæjarklaustur þar sem hópurinn gistir í nótt. 190 km að baki í dag.